काठमाडौं – गीतकार पुजा ठकुरीको शब्द रचनामा रहेको ‘झेली मायाँ’ बोलको आधुनिक गीतको भिडियो सार्वजनिक भएको छ । केशब सापकोटाको संगीत, कमल सौरागको संगीत संयोजन एबम प्रताप दाश को आवाजमा सजिएको उक्त गीतको भिडियोलाई भने निर्देशक कुमार केसीले निर्देशन गरेका हुन्। भिडियोको छायांकन राम केसी ले गरेका हुन् । जसमा लोकप्रिय मोडेल बिक्रम बुढाथोकी ,सगुन साहि र रामकुमार प्रधानको अभिनय रहेको छ। आफु हरुले धेरै मिहेनेत गरेर गीत अडियो भिडियो तयार गरेकोले दर्शक श्रोताले गीत मन पराइदिनेमा आस्वस्त रहेको गीतकार एबम सोहि गीतकी निर्मात्री पुजा ठकुरीले बताएकी छन्। गीतको अडियोलाई पनि विभिन्न अनलाइन प्लेटफर्महरु मार्फत सार्बजनिक गरिसकिएको गीतकार एबम निर्मात्री ठकुरीले जनाएकी छन्। गीतको भिडियोको सम्पादन एबम रंग संयोजन पछिल्लो समयका लोकप्रिय म्युजिक भिडियो सम्पादक बिनोद बमले गरेका हुन्।
