काठमाडौँ – आज नेपाली बजारमा सुनको मुल्यमा केहि गिरावट आएको छ। गत आइतबार स्थिर रहेको सुनको भाउ आज भने प्रतितोला २ सय रुपैयाँले घटेको नेपाल सुनचाँदी व्यवसायी महासंघले जनाएको छ। महासंघका अनुसार, आज छापावाल सुन प्रतितोला ८८ हजार ९ सय रुपैयाँमा कारोबार भइरहेको छ। छापावाल सुन आइतबार प्रतितोला ८९ हजार १ सय रुपैयाँमा कारोबार भएको थियो। त्यस्तै, आज तेजावी सुनको भाउ पनि घटेको छ। आज तेजावी सुन प्रतितोला ८८ हजार ४ सय ५० रुपैयाँमा कारोबार भइरहेको छ। आइतबार तेजावी सुन प्रतितोला ८८ हजार ६५० रुपैयाँमा कारोबार भएको थियो । यस्तै, आज सुनको भाउ घटेसँगै चाँदीको भाउ पनि झन् ओरालो लागेको छ। आज चाँदी प्रतितोला ११ सय ३५ रुपैयाँमा कारोबार भइरहेको छ। आइतबार चाँदी प्रतितोला ११ सय ५० रुपैयाँमा कारोबार भएको थियो।